Thursday, July 24, 2014

वादळात हि मी स्तब्ध असा . . जसा अविचल मेरुमंदार उभा



वादळात हि मी स्तब्ध असा  

जसा अविचल मेरुमंदार उभा 


कित्येक वादळे आले , गेले 

मी तटस्थ लोहस्तंभ जसा 


आघाताने मी वज्र झालो 

प्रतिकाराने मन हे खंबीर 


भेटला त्याने दिला धडा 

जीव लावला तो घेई  वळसा 


मी मुळचा मृदू , संवेदनशीलच 

काळाने मला बनवला हिरा 


मी हि उन्मळून पडणारच 

पण 

वादळालाही पुरून उरणारा मी 

कोण जाने ती झुळूक येईल केंव्हा ? 


११ : २२ ~~~~~~~~ २४/ ०७ / २०१४ ~~~~~~ गुरुवार