" वडार समाज चारीटेबल ट्रस्ट " ह्या संस्थे विषयी थोडक्यात माहिती . . . .
" वडार समाज चारीटेबल ट्रस्ट " हि संस्था फेसबुक वरील वडार समाजावर प्रेम असणाऱ्या व वडार समाजात विकास व शिक्षणापासून वंचित राहिलेल्या गोर - गरीब वडार समाज बांधवांसाठी कार्य करू इच्छिणाऱ्या वडार समाज बांधवानी स्थापलेली आहे . हि शिक्षण , आरोग्य व सामाजिक जाणीवा निर्माण करण्यासाठी विशेष कार्य करणार आहे .
संस्थेची संस्था स्थापण्याची प्रक्रिया हि नोव्हेंबर २०१२ ला झाली व संस्थेला मूर्त स्वरूप २० मी २०१३ आले . संस्थेत सभासद हे महाराष्ट्रातील दूर दूर चे आहेत व ह्याचे क्षेत्रही ( आपल्या मर्यादेत ) महाराष्ट्रभर कार्य करण्याचे ठरलेले आहे
संस्थेचे सर्व सभासद हे व्यावसायिक , नोकरदार व कुठलाही राजकीय दृष्टीकोन न ठेवता फक्त वडार समाजा अंतर्गत सामाजिक कार्य करण्यासाठी एकत्रित आलेले आहेत व आम्हाला स्वतासाठी कुठलाही नाव - लौकिक अथवा मोठेपणा नको आहे . आम्ही आर्थिक स्वरुपात व शक्य तितक्या तनाने व मनानेही समाज कार्यात सहभागी होण्याचा संस्थेच्या माध्यमातून प्रयत्न करणार आहोत . आम्ही आम्हाला संस्थेकडून कुठलाही आर्थिक लाभाची अपेक्षा ठेवत नाहीत व भविष्यात हि ठेवण्याचे काही कारण नाही कारण समाजाकडून आम्हाला काही नको आहे परंतु समाजाला आमचे जे " देणे " आहे असे जे आम्ही समजतो , त्यासाठीच आमचे प्रयत्न आहेत .
संस्थेत सर्व सभासद हे प्रत्येकी रु . ५००/- प्रत्येक महिन्याला काढतात . रु. १००/- व प्रती दिन १/- रुपया हा हि स्वाभिमानी वडार समाज बांधव म्हणून आम्ही पर्याय ठेवला आहे . आर्थिक गोष्टी शिवाय परिवर्तनाच्या गोष्टी करणे म्हणजे स्वप्नातील दुनियेत वावरण्या सारखे आहे . म्हणून आम्ही " स्व-सहभागातून समाज विकास " हे आपले ब्रीद - वाक्य ठरवले आहे व त्या माध्यमातून सामाजिक कार्य जेवढे शक्य होईल तेवढे करण्याचे ठरवले आहे . वडार समाजाला आपल्या समाजातील गरीब कुटुंबियांना वस्तू रूपाने / वह्या पुस्तकांच्या रूपाने / मदत करणे खूप गरजेचे आहे व त्यासाठी व त्या गरीब लोकासाठी सर्व समाज बांधवांचे येणे खूप गरजेचे आहे .
१ ) आम्ही गेले तीन वर्षे फेसबुक ह्या सोशल मिडिया च्या माध्यमातून हजारो लोक जोडलेले आहेत . असे कार्य करणारे फेसबुक केवळ आपणच आहोत व ह्याच कार्याला आपल्या वडार समाज बांधवानीही खूप भरभरून प्रतिसाद दिला आहे , त्या प्रतिसादावरून च प्रेरणा घेवून हे संस्थेचे कार्य सुरु झाले आहे . विभिन्न क्षेत्रातील उच्च पदावरील व्यक्ती पासून नव्या दमाच्या तरुणा पर्यंत सर्व लोक ह्यात सामील आहेत . त्यामुळे वडार समाजात सामाजिक अभिसरणाचे एक ऐतेहासिक कार्य हे आहे . असे कार्य पूर्वी कधी झाले नव्हते व आज हि अन्य कुणीही करत नाही म्हणून ह्याचे हे विशेष वैशिष्टे आहे . हेच कार्य आपले सर्वात मोठे आहे व ते पुढे जवून वडार समाजासाठी दिशादर्शक ठरेल असा विश्वास वाटतो .
२ ) आपल्या समाजातील एक मुष्टी योदद्धा श्री राहुल धोत्रे ह्या अनेक पदके व नाव - लौकिक मिळवलेल्या परंतु आर्थिक बाबत गरीब असलेल्या तरुणासाठी आपण त्याच्या खुरकाचा खर्च आपल्या संस्थे मार्फत करत आहोत . आम्हाला राहुल चा खास अभिमान आहे व भविष्यात तो वडार समाजाचे नाव मोठे करील हा स्वार्थ हि त्यामागे आहे . राष्ट्रीय पातळीवर व देश पातळीवर नाव लौकिक मिळवण्याची क्षमता असणाऱ्या आपल्या समाजातील तरुणांना प्रोत्साहन देणे हा हि आपल्या संस्थेच्या धोरणाचा एक भाग आहे .
३ ) आपल्या संस्थेकडून इयत्ता दहावीतील महाराष्ट्रातील मुला - मुलीसाठी प्रोत्साहन म्हणून व आपले विध्यार्थी हे मेरीट लिस्ट मध्ये जास्तीत जास्त यावे ह्या एकमेव कारणामुळे संस्थेकडून स्कॉलरशिप योजना सुरु करत आहोत . ह्या योजने अंतर्गत ९५ % च्या पुढे मार्क्स मिळतील त्या विध्यार्थ्याला आपल्या एका देणगीदार बांधवाकडून रोख ( चेक ने ) रु. ५०'०००/- देण्यात येणार आहेत व ९० % च्या पुढे मार्क्स मिळतील त्या विध्यार्थ्याला रु. २५'०००/- देण्यात येतील . काही लोकांचा ( अर्थात संस्थे बाहेरील ) रोख रक्कम देण्याला विरोध आहे परंतु आम्ही म्हटल्या प्रमाणे आपल्या समाजातील बुद्धिवंत हिरे हे समाजासमोर आणण्याचे हे केवळ एक मध्यम आहे . पुढे भविष्यात अजून हि ह्यात काही बदल होतील व त्याची व्याप्ती वाढवण्यात येईल . समाज बांधवांची साथ लाभली तर शिक्षण क्षेत्रात खूप चांगले कार्य होऊ शकते . आपण दूर दृष्टीने विचार करून चालले पाहिजे .
१) वडार समाज : सरकारी योजना व सवलती
२) वडार समाज :सामाजिक चळवळ व संघटन
३) वडार समाज :आरोग्य विषयक
४) वडार समाज :वधू-वर सूचक
५)वडार समाज : महिला विशेष
६) वडार समाज :रोजगार व रोजगाराच्या संधी
७) वडार समाज : अध्यात्मिक
५ ) संस्थेच्या सभासदासाठी ' संदर्भ ग्रंथ " म्हणून सर्व धर्माच्या महा पुरुषांची , पुरोगामी विचारांच्या युग पुरुषांची , आधुनिक विचारांच्या सुधारक लेखकांची तसेच ऐतेहासिक , सामाजिक , कायदे विषयक पुस्तके / ग्रंथ ह्यांची पुस्तके उपलब्ध करून देण्यात येणार आहेत . तसे काही ग्रंथ आपल्या संग्रहात जमा झालेले आहेत . आपल्या वडार समाजाचे पुस्तकांचा संपूर्ण संग्रह करण्याचा आपला मानस आहे .
भविष्यकालीन योजना :
१ ) " वडार समाज चारीटेबल ट्रस्ट " तर्फे प्रत्येक वर्षी " वडार समाज भूषण " हा पुरस्कार समाजातील केवळ एका कर्तृत्ववान व्यक्तीला देणे
२ ) जागतिक महिला दिनाचे निम्मित साधून आपल्या वडार समाजातील कर्तृत्ववान महिलांचा सत्कार व योग्य तो आदर करण्याचा योग जुळवून आणणे .
३ ) पुढील शैक्षणिक वर्षा पासून आपल्या वडार समाजातील विद्यार्थ्यांना वह्या , पुस्तके , पेन , पेन्सिल इत्यादी शालेय साहित्याचे वाटप करणे .
४ ) आपले एक जेष्ठ बांधव श्री राजूअण्णा जाधव साहेब हे प्रत्येक वर्षी मातृदिन साजरा करत असतात व आपण हि त्या पासून प्रेरणा घेवून आपल्या संस्थे मार्फत एक मातृदिनाचा एक कार्यक्रम आयोजित करून किमान पाच मातांना त्यांचा शालू वगैरे देवून सन्मान करण्याचा प्रयत्न करणार आहोत . ह्यात सर्वांचे सहकार्य अपेक्षित आहे . आपल्या कृतज्ञता व्यक्त करायची असेल तर त्या मातेचा सन्मान समाजाकडून झाला तर त्या मातेला आयुष्याला पूर्णत्व प्राप्त झाल्या सारखे होईल .
५ ) अनाथ मुले व त्यांचा शिक्षणाचा खर्च , बेघर , बेसहारा वृद्ध व विधवा ह्या प्रश्नावर हि संस्थेच्या मर्यादेत कार्य करण्याचा मानस आहे .
टीप : आम्ही कुणाही धनिका कडून मोठी रक्कम स्वीकारण्याचे आपल्या संस्थेचे धोरण नाही . आपण चेकनेच व्यवहार करतो व सर्वांनी आपला अल्पसा वाटा समाजासाठी द्यावा हेच आपले मुख्य धोरण आहे . सरकारी मदत स्वीकारणे अथवा NGO अशा माध्यमातून पैसा गोळा करणे हे हि आपले उद्दिष्ट्य नाही आहे . त्यामुळे आपली संस्था हि फक्त सभासदांच्या येणाऱ्या पैशावर चालते व संस्थेकडे निधीच्या मर्यादा आहेत व त्या मर्यादेतच संस्था काम करते . संस्थाकडून भरीव कामाची अपेक्षा असेल तर समाज बांधवांचा त्याला प्रतिसाद हि तसाच हवा .
a
